ഡച്ച് കമ്പനിയായ AZS മീഡിയ ഗ്രൂപ്പ് 2009 സെപ്റ്റംബര്‍ ഒന്നിന് ലോകത്തെ ആദ്യത്തെ ഇസ്ലാമിക്‌ സെര്‍ച്ച്‌ എന്‍ജിന്‍ അവതരിപ്പിച്ചു. IMHalal.com എന്ന് പേരിട്ട ഈ സൈറ്റ് ഇസ്ലാം മതാചാര പ്രകാരം ഹലാലാക്കപ്പെട്ടതിനെയും (അനുവദനീയം) ഹറാമാക്കപ്പെട്ടതിനെയും (നിഷേധിക്കപ്പെട്ടത്) വേര്‍തിരിച്ചിരിക്കുന്നു.
ഒമ്പത് മാസങ്ങള്‍ക്ക് മുമ്പാണ് ഇത്തരമൊരു സംരംഭത്തെക്കുറിച്ചുള്ള ആശയം വീണു കിട്ടിയതെന്ന് ഐഎംഹലാല്‍.കോമിന്‍റെ ചീഫ് എക്സിക്ക്യുട്ടീവ് ഓഫിസറും AZS മീഡിയ ഗ്രൂപ്പ് സ്ഥാപകനുമായ റേസ അബ്ദുല്‍അലി സാദെ സര്ദേഹ പറയുന്നു.
മുസ്ലിം പണ്ഡിതന്മാരുടെ നിര്‍ദേശങ്ങളും ഈ സെര്‍ച്ച്‌ എന്‍ജിന്‍ നിര്‍മാണത്തില്‍ മുഖ്യ പങ്കു വഹിച്ചിട്ടുണ്ട്‌. അനുവതനീയമയതെന്നു (ഹലാല്‍) സൂചിപ്പിക്കപ്പെട്ടത്‌ മാത്രമേ ഐഎംഹലാല്‍.കോമിലൂടെ സെര്‍ച്ച്‌ ചെയ്താല്‍ ലഭിക്കുകയുള്ളൂ. ഇത്തരത്തില്‍ അനുവദനീയമായതും നിഷേധിക്കപ്പെട്ടതും വേര്‍തിരിക്കാന്‍ ഈ സെര്‍ച്ച്‌ എന്‍ജിന്‍ ധാരാളം സാങ്കേതികവിദ്യകള്‍ ഉപയോഗിക്കുന്നുണ്ട്. ഏതെങ്കിലും ഉപയോക്താവ് വല്ല അശ്ലീല സൈറ്റുകളുമായി സമ്പര്‍ക്കത്തില്‍ വന്നാല്‍ ഇവ ഉടന്‍ തന്നെ ഒരു നെഗറ്റീവ് സെര്‍ച്ച്‌ അഡ്വൈസ് പുറപ്പെടുവിക്കുന്നു.
ഐഎംഹലാല്‍.കോമിന്‍റെ ഉപജ്ഞാതാക്കള്‍ അവരുടെ അനുഭവത്തിന്‍റെയും ഇന്‍റര്‍നെറ്റിലൂടെ കണ്ടെത്താവുന്ന അശ്ലീല വാക്കുകളുടെയും അന്യേഷണതിന്‍റെയും വെളിച്ചത്തില്‍ തയ്യാറാക്കിയതാണ് ഐഎംഹലാല്‍.കോമിലെ DANGER LIST.
അശ്ലീല സൈറ്റുകളുടെ സാന്നിധ്യം മൂലമാണ് പല മാതാപിതാക്കളും തങ്ങളുടെ മക്കളെ ഇന്റര്‍നെറ്റ്‌ സര്‍ഫിങ്ങിനു അനുവതിക്കാത്തത്. പലപ്പോഴും അവരും അതൊഴിവാക്കുകയാണ്‌ പതിവ്. മറ്റു മതത്തില്‍ പെട്ടവര്‍ക്കും മക്കള്‍ക്ക് സുരക്ഷിതമായ വെബ് സര്‍ഫിങ്ങു പ്രദാനം ചെയ്യാന്‍ ഐഎംഹലാല്‍.കോം ഉപയോഗിക്കാമെന്ന് സര്ദേഹ പറയുന്നു.
ഐഎംഹലാല്‍.കോം ഇപ്പോഴും വികസന പാതയിലാണ് . അതായതു ഭാവിയില്‍ ഇനിയും പുരോഗതികള്‍ ഇതില്‍ നമുക്ക് പ്രതീക്ഷിക്കാനുണ്ട്. പുതിയ പഠനത്തിന്‍റെയും ഉപയോക്താക്കളുടെ നിര്‍ദേശങ്ങളുടെയും അടിസ്ഥാനത്തിലായിരിക്കും മാറ്റങ്ങള്‍ ഉണ്ടാവുകയെന്ന് ഗവേഷകര്‍ പറയുന്നു.
No comments:
Post a Comment