നബി തങ്ങളുടെ നാല്പതു വയസ്സിനു മുമ്പ്

അബൂ ഹുറൈറ (റ) :  നബി(സ) ജന്മം കൊണ്ടപ്പോള്‍ എല്ലാ പ്രതിമകളും തല കീഴായി മറിഞ്ഞു.(ഇബ്നു കസീര്‍ (റ), അല്‍ ബിദായത്തു വന്നിഹായ : 2/25) 

ഇമാം ബൈഹഖി (റ) : നബി (സ) ജന്മം കൊണ്ട രാത്രി കിസ്രാ ചക്രവര്‍ത്തിയുടെ കൊട്ടാരം വിറച്ചു. പതിനാലു കഷ്ണങ്ങള്‍ അതില്‍ നിന്ന് തെറിച്ചു പോയി.പേര്‍ഷ്യന്‍ തീ അണഞ്ഞു.ആയിരം വര്‍ഷത്തോളമായി അത് അണഞ്ഞു പോയിരുന്നില്ല. സാവ തടാകം വറ്റി.(ഇബ്നു കസീര്‍ (റ), അല്‍ ബിദായത്തു വന്നിഹായ : 2/347) 

ഉസ്മാന്‍ ഇബ്നു ഹുവൈരിസ് പറയുന്നു : ബിംബത്തില്‍ എന്ത് സംഭവിച്ചു.(നിവര്‍ത്തി വെക്കും തോറും ) കൂടുതല്‍ വഷളായ രൂപത്തില്‍ അത് മറയുകയാണല്ലോ. നിശ്ചയം ഇത് സംഭവിക്കുന്നത്‌ പുതിയ എന്തോ കാരണത്താലാണ്.നബി(സ) ജനിച്ച രാത്രിയായിരുന്നു ആ സംഭവം.(ഇബ്നു കസീര്‍ (റ), അല്‍ ബിദായത്തു വന്നിഹായ : 2/431) 

അനസ് (റ) പറയുന്നു : ബാലനായ മുഹമ്മദ്‌ കുട്ടികളൊന്നിച്ച്‌ കളിച്ചു കൊണ്ടിരിക്കെ ജിബ്‌രീല്‍ (അ) പിടിച്ചു കിടത്തി.നെഞ്ചു കീറി.ഹൃതയം പുറത്തെടുത്തു. അതില്‍ നിന്നൊരു രക്തക്കട്ട നീക്കം ചെയ്തു.പൈശാചികതയുടെ ഭാഗമാണിതെന്നു ജിബ്‌രീല്‍ (അ) പറഞ്ഞു.ഒരു സ്വര്‍ണ തളികയില്‍ വെച്ച് സംസം വെള്ളം ഉപയോഗിച്ച് ഹൃതയം കഴുകി തല്‍സ്ഥാനത്തു തന്നെ പുനസ്ഥാപിച്ചു.(മുസ്‌ലിം : 2 /216 , (ഇബ്നു കസീര്‍ (റ), അല്‍ ബിദായത്തു വന്നിഹായ : 2/355) 

മുഹമ്മദ്‌ (സ) യെ നോക്കി ഇത് നബിയാണെന്ന് പ്രഖ്യാപിച്ച പുരോഹിതനോട് ഖുറൈഷി പ്രമുഖര്‍ ഇതിനെ സംബന്ധിച്ച് ആരായുകയുണ്ടായി.നിങ്ങള്‍ക്ക്‌ എവിടെ നിന്ന് ഈ വിവരം ലഭിച്ചു? അദ്ദേഹം അവരോട് പറഞ്ഞു : ആ മലയിടുക്കിലൂടെ നിങ്ങള്‍ കടന്നു വരുമ്പോള്‍ അവിടെയുള്ള ഒരു വൃക്ഷമോ കല്ലോ ഇദ്ദേഹത്തിനു മുന്നില്‍ സുജൂടിലായി വീഴാതിരുന്നിട്ടില്ല.കല്ലും മരവും ഒരു നബിക്ക് വേണ്ടിയല്ലാതെ സുജൂദ് ചെയ്യില്ല.(ഇബ്നു കസീര്‍ (റ), അല്‍ ബിദായത്തു വന്നിഹായ : 2/376) 

നബി (സ) പറഞ്ഞു : ഞാന്‍ പ്രവാചകനായി നിയോഗിക്കപ്പെടുന്നതിനു മുമ്പ് എന്‍റെ മേല്‍ സലാം ചൊല്ലുന്ന ഒരു കല്ല്‌ മക്കത്തു ഉണ്ടായിരുന്നു. ആ കല്ല്‌ ഇപ്പോഴും എനിക്കറിയാം (മുസ്‌ലിം : 2/245 ) 

ഇബ്നു കസീര്‍ (റ) തന്‍റെ കിതാബിനെ പരിചയപ്പെടുത്തുന്നത് ഈ കിത്താബില്‍ ബലഹീനമായ വല്ലതും പറയുകയാണെങ്കില്‍ അത് ഞാന്‍ തന്നെ വ്യക്തമാക്കും. എന്‍റെ അവലംബം ഖുര്‍ആനും സുന്നത്തുമാണ്. (അല്‍ ബിദായത്തു വന്നിഹായ)


PDF ഫയല്‍ ലഭിക്കാന്‍ ഇവിടെ ക്ലിക്ക് ചെയ്യുക